Humb jetën pacienti i 46-të me COVID-19 në vendin tonë, vuante nga diabeti

Një 65-vjeçar nga Tirana i prekur nga COVID-19 ndërroi jetë sot në Spitalin Infektiv duke e çuar në 46 numrin e jetëve të humbura që nga fillimi i pandemisë.

Ministria e Shëndetësisë sqaron se pas disa ditësh i shtruar në spital në spital, në terapi intensive, 65- vjeçari nga Tirana ka humbur jetën, me gjithë përpjekjet e mjekëve dhe mjekimin intensiv medikamentoz.

65-vjeçari i konfirmuar me COVID-19 vuante nga diabeti dhe policitemia.

Prej muajit mars e deri më sot autoritetet kanë kryer rreth 24 mijë teste virologjike për COVID-19, nga ku kanë diagnostikuar 2047 persona të infektuar, 52 vetëm në 24 orët e fundit.

Nga totali i të infektuarve, 1159 janë shëruar, 46 kanë vdekur dhe 807 janë raste aktive. Sipas autoriteteve 80 prej këtyre të fundit janë të shtruar në spital.