Reformimi i ujësjellësve, Balluku: Çdo rubinet duhet të ofrojë ujë të pijshëm

Ministrja e Infrastrukturës, Belinda Balluku ishte e pranishme në nënshkrimin e marrëveshjes me bashkitë e qarkut Dibër dhe Kukës për krijimin e dy shoqërive të reja të Ujësjellës-Kanalizimeve.

Gjatë këtij aktiviteti Balluku deklaroi se reforma e ujit ishte e domosdoshme dhe shoqëritë e reja që do të krijohen duhet t’i garantojnë qytetarëve 24 orë ujë të pijshëm.

Nga 61 ujësjellës që ndodhen në 61 bashki të vendit do të kalohet me 15 ujësjellës qendror, të cilët do të mirëmenaxhojnë financat dhe burimet natyrore nën mbikëqyrje, sqaroi ministrja.

Sipas ministres brenda vitit 2022 priten rezultate konkrete nga reformimi i ujësjellësve.

LEXONI GJITHASHTU:

• Punonjësi i Ujësjellësit bie nga Mali i Çikës në Vlorë