Manja thirrje noterëve: Mos u bëni palë me institucionet financiare

Ministri i Drejtësisë, Ulsi Manja ka zhvilluar një takim me noterët në Asamblenë Kombëtare të Noterisë, për të diskutuar problemet e kësaj fushe.

Gjatë fjalës së tij, Manja u ka kërkuar noterëve që të mos bëhen palë me institucionet financiare jo banka dhe të lexojnë siç parashikon ligji, detyrimet e kontratave për qytetarët, sepse në shumë raste shqiptarët po mbeten peng.

Sipas tij, në fushën noteriale po nis një erë e re në zbatim të ligjit dhe në shërbimin dinjitoz ndaj qytetarëve

Ndër të tjera, ministri kërkoi nisjen e dixhitalizimit të arkivave, zbatimin e udhëzimeve që kanë dalë nga Ministria e Drejtësisë si dhe korrektësinë para ligjit si në formë edhe në përmbajtje.

LEXONI GJITHASHTU

• Ulsi Manja ironizon deklaratën e Metës për inceneratorët: Nuk ka faj i shkreti
• Manja i prerë: Do i qëndrojmë deri në fund propozimit për hartën gjyqësore