‘Pyesni në SPAK’, Dritan Leli pas marrjes në pyetje nga organi i akuzës

Kryebashkiaku i Vlorës, Dritan Leli është larguar nga zyrat e Strukturës së Posaçme (SPAK), pas më shumë se një orë në pyetje në organin e akuzës.

Leli nuk ka preferuar të ketë një një prononcim për mediat, duke thënë vetëm “Pyesni në SPAK”.

Ende nuk dihen arsyet se përse Leli u pyet këtë të premte nga Struktura e Posaçme.

Së fundmi, borxhet e ujësjellësit kanë nxjerrë në pah një tjetër përplasje mes kryebashkiakut të Vlorës dhe Këshillit Bashkiak.

Me një shumicë të Partisë Socialiste, anëtarët e këtij këshilli, kanë kërkuar që ujësjellësi të kthehet në një shoqëri aksionere.

Për “Euronews Albania”, kryebashkiaku Dritan Leli ka deklaruar se Bashkia e Vlorës nuk është kundër rajonalizimit të ujësjellësave, por duhet një analizë dhe konsultim me publikun.

Vetë Leli, i cili i është drejtuar me një letër Këshillit Bashkiak për të mos miratuar këtë projekt vendim.

LEXONI GJITHASHTU

• Kryebashkiaku i Vlorës, Dritan Leli paraqitet në SPAK

• Borxhet e ujësjellësit përplasin Dritan Lelin me këshilltarët socialistë