Atentati në Laç dhe lidhja e të plagosurit me Ervis Martinaj | 5 ngjarje

• Një viktimë nga atentati në Laç

Një person ka mbetur i vdekur pas të shtënave me armë në Laç këtë të premte.

Viktima është shtetasi i identifikuar si Klisman Preçi 27 vjeç. Ndërkohë, i plagosur ka mbetur 46-vjeçari Ylli Brahimi i cili është dërguar drejt Spitalit të Traumës në Tiranë.

Lexoni për më shumë: Një viktimë nga atentati në Laç

• I plagosuri në Laç miku i Ervis Martinaj, lidhja me atenatin e Fushë-Krujës

Atentati i ndodhur mbrëmjen e së premtes në Laç ku mbeti i vdekur Klisman Preçi dhe i plagosur Ylli Brahimi, dyshohet se ka lidhje me atentatin e Fushë-Krujës.

Kjo për shkak se një prej shënjestrave të atentatit të sotëm, Ylli Brahimi njihej si krah dhe lidhje e Ervis Martinaj.

Tre persona kanë mbetën të vdekur nga një atentat në mbikalimin e Fushë-Krujës, mesditën e së dielës.

Lexoni për më shumë: I plagosuri në Laç miku i Ervis Martinaj, lidhja me atenatin e Fushë-Krujës

• Breshëri automatiku drejt automjetit të blinduar, detaje nga atentati në Laç

Klisman Preçi, viktima e atentatit të sotëm në Laç dhe i plagosuri Ylli Brahimi, u qëlluan me breshëri automatiku në drejtim të automjetit fouristradë “Land Rover” që ishte e blinduar.

Është ky detaji më i fundit i raportuar nga gazetari i Euronews Albania, Eni Ferhati. Ngjarja ka ndodhur rreth orës 21:30 minuta në qytetin e Milotit, në hyrje të një pallati.

Lexoni për më shumë: Breshëri automatiku drejt automjetit të blinduar, detaje nga atentati në Laç

• Baton Haxhiu: SHBA i kërkoi Britanisë së Madhe të shpallë ‘non grata’ Berishën

Për analistin Baton Haxhiu, Shtetet e Bashkuara të Amerikës kanë ndikuar në vendimin e Britanisë së Madhe për të shpallur ‘non grata’ ish-kryeministrin dhe kryetarin e Partisë Demokratike, Sali Berisha.

Në një intervistë për “Euronews Albania”, Haxhiu u shpreh se SHBA-të janë aleati i madh i Britanisë së Madhe dhe i kanë kërkuar që të vendosin sanksione ndaj Berishës.

Lexoni për më shumë: Baton Haxhiu: SHBA i kërkoi Britanisë së Madhe të shpallë ‘non grata’ Berishën

• Britanikët në sitë pasuritë e shqiptarëve, Baton Haxhiu: Si synim kanë veriun

Analisti Baton Haxhiu deklaroi se Britania e Madhe ka për qëllim të vendosë në sitë pasuritë e shqiptarëve në vendin ishullor, të përfituar nga krimi.

Në një intervistë për “Euronews Albania”, Haxhiu u shpreh se britanikët janë të shqetësuar kryesisht për veriun e Shqipërisë, nga ku një pjesë e madhe e shqiptarëve, përfshirë të miturit, shkojnë në Britani të Madhe dhe kryejnë vepra kriminale.

Lexoni për më shumë: Britanikët në sitë pasuritë e shqiptarëve, Baton Haxhiu: Si synim kanë veriun