PD akuzon qeverinë për lidhje me krimin, reagimet për atentatin në Laç

Ngjarjen e ndodhur në Laç ku u vra një i ri dhe u plagos një tjetër, kreu i PD-së Sali Berisha e quan “sundim të bandave vrasëse të lidhura me qeverinë”.

Në një reagim në rrejtet sociale, Berisha shpërndau një denoncim të ardhur në adresë të tij të një qytetari të Laçit, i cili shprehet i terrorizuar me mungesën e sigurisë për jetën të kërcënuar çdo ditë nga kriminelët.

Për ngjarjen ka reaguar edhe deputeti Enkelejd Alibeaj.

Dështim të qeverisë përballë krimit dhe bandave e quan ai ngjarjen e një dite më parë, duke theksuar se Partia Demokratike ka denoncuar përfshirjen e disa segmenteve të caktuara të policisë së shtetit me botën e krimit dhe ngjarja në Laç e konfirmon këtë.

Ngjarja ndodhi mbrëmë rreth orës 21:30 minuta në qytetin e Milotit.

Të shtënat kanë lënë të plagosur rëndë fillimisht në vend si 27-vjeçarin Klisman Preçin dhe 46-vjeçarin Ylli Brahimi.

Ata janë dy emra shumë të njohur për policinë pasi kanë qenë shënjestër të atentateve të mëparshme të cilat kanë dështuar.

Ylli Brahimi ndodhet në sallën e operacionit dhe nuk ka informacione rreth gjendjes së tij shëndetësore, ndërsa Klisman Preçi nuk ka mundur t’i shpëtojë plagëve të marra.

Atentati i ndodhur në Laç dyshohet se ka lidhje me atentatin e Fushë-Krujës.

Kjo për shkak se një prej shënjestrave të atentatit të sotëm, Ylli Brahimi njihej si krah dhe lidhje e Ervis Martinaj.

LEXONI GJITHASHTU:

• VIDEO | Drejt Krujës, itinerari që ndoqën autorët e antenatit të Laçit