Publikohen dokumenta zyrtare pas sulmit kibernetik | 5 zhvillime kryesore

• Sot betohet presidenti i ri, Bajram Begaj

Këtë të dielë në orën 18:00 do të zhvillohet ceremonia solemne e betimit të presidentit të ri, Bajram Begaj në Parlament.

Më pas, një ceremoni do të organizohet edhe në Presidencë, për marrjen e detyrës së re nga Begaj.

Bajram Begaj u zgjodh Presidenti i ri i Republikës së Shqipërisë në muajin prill. Në votimin që u krye në seancën plenare në Kuvend, morën pjesë 83 deputetë.

Lexoni për më shumë: Sot betohet presidenti i ri, Bajram Begaj

• ‘Të ndërtojmë të ardhmen e përbashkët’, Charles Michel uron Bajram Begajn

Presidenti i Këshillit të Evropës, Charles Michel ka uruar Bajram Begajn me rastin e marrjes së detyrës si President i Shqipërisë.

Përmes një postimi në rrjetet sociale, Michel shprehet se me hapjen e negociatave, marrëdhëniet BE-Shqipëri kanë hyrë në një stad të ri.

Michel theksoi se mezi pret që BE-ja dhe Shqipëria të ndërtojnë të ardhmen e tyre të përbashkët.

Lexoni për më shumë: ‘Të ndërtojmë të ardhmen e përbashkët’, Charles Michel uron Bajram Begajn

• Të shtëna me armë në Vlorë, policia në ndjekje të autorit

Të shtëna me armë janë regjistruar mesditën e së dielës në zonën e “Ujit të Ftohtë” në qytetin e Vlorës.

Sipas informacioneve paraprake, mësohet se një person ka qëlluar me armë zjarri në ajër pas një konflikti të çastit për motive të dobëta.

Policia ka ngritur pika kontrolli, teksa vijon krehja e zonës për kapjen e autorit i cili është identifikuar.

Lexoni për më shumë: Të shtëna me armë në Vlorë, policia në ndjekje të autorit

• Akuzohet për korrupsion, gjyqtarja e Elbasanit lihet në “arrest shtëpie”

Gjykata e Posaçme kundër Korrupsionit dhe Krimit të Organizuar (GJKKO) ka lënë në fuqi masën e sigurisë “Arrest shtëpie” për gjyqtaren e Elbasanit, Zamira Vyshka.

Gjyqtarja u paraqit mëngjesin e kësaj të diele në zyrat e GJKKO-së, për t’u njohur me masën e sigurisë, marrë në mungesë.

Ajo akuzohet nga Struktura e Posaçme (SPAK) për korrupsion, pasi dyshohet se ka negociuar me familjarë të një të arrestuari për t’i lehtësuar pozitën penale.

Lexoni për më shumë: Akuzohet për korrupsion, gjyqtarja e Elbasanit lihet në “arrest shtëpie”