Shkarkimi i Zef Mazit, Meta: Rama urren meritokracinë dhe llogaridhënien

Ilir Meta, tashmë ish-presidenti i vendit, është rikthyer në Lëvizjen Socialiste për Integrim.

Ai ka thënë se ka rimarrë kartën e anëtarësisë dhe tashmë ‘ky është një agim i ri”. Meta tha se është krenar që krijoi partinë në vitin 2004 për integrimin evropian të vendit.

Ai nënvizoi se shkarkimi i Zef Mazit tregoi se qeveria urren meritokracinë dhe llogaridhënien.

“Po ju tregoj dokumentin e LSI-së. Jam krenar që kam krijuar në 2004 një forcë politike për të forcuar integrimin europian të vendit. Falë atij angazhimi të jashtëzakonshëm të LSI-së u bë rrotacioni ku kleptokracia humbi mbi 20 e ca mandate dhe falë atij rrotacioni në 2006 Shqipëria firmosi marrëveshjen e stabilizim-asocimit. Ju e dini ata i kanë çelur negociatat që në 2012, Mali i Zi. Serbia i ka çelur në 2014. Na i hapëm tani dhe ne shkarkuan krye-negociatorin pa nisur akoma negociatat, duke treguar gjithë seriozitetin edhe përkushtim të atyre që urrejnë integrimin europian, urrejnë llogaridhënien, urrejnë zgjedhjet, urrejnë konkurrencën dhe meritokracinë dhe pluralizmin politik, median e lirë dhe të pavarur. LSI zhbllokoi në proces. Jo vetëm i dha vendit stabilitet por edhe liberalizmin e vizave falë koalicionit ne 2009 me PD-në. Ka bërë çdo gjë LSI-ja për të përshpejtuar integrimin europian të vendit”, u shpreh Meta.

LEXONI GJITHASHTU:

• “Koha për veprim”, Meta jep mesazhet e para pas lagimit nga Presidenca