Posti për Agim Neshon, krijohet komiteti organizativ i Partisë së Lirisë

Partia e Lirisë, ky do të jetë emri i ri i LSI-së.

Tashmë ka dhe një Komitet Organizator që do të ngarkohet nga Konventa për drejtimin e partisë në të gjitha nivelet dhe për përgatitjen e Konventës. Drejtues do të jetë Ilir Meta, ndërsa zv. kryetar Agim Nesho.

Meta u shpreh se vetëm një rrugë ekziston për të larguar pushtetin aktual dhe bëhet fjalë për referendumin. Sipas tij vetëm ai mund të shpëtojë shqiptarët.

“Sot bashkë me popullin e 2 marsit, të shpallim non grata kleptoracinë, rilindjen mavi dhe atë pjesë të rilindjes blu që bën pazare,” – deklaroi ish-presidenti.

Zyrtarë të kësaj partie kanë thënë se kjo konventë do të shërbejë si pikënisje për ridimensionim të LSI, por edhe për të sjellë ndryshimin që i duhet opozitës në vend.