Akuzat për inceneratorin e Fierit, rrëzohet kërkesa e ish-zyrtares për liri

Gjykata e Posaçme rrëzoi kërkesën e Etleva Kondit, ish-drejtoreshë e Ministrisë dhe Mjedisit, anëtare e Komisionit të Vlerësimit të Ofertave për inceneratorët e Elbasanit dhe Fierit, e cila kërkonte ndryshimin e masës së sigurisë arrest shtëpie.

Bashkë me të ndryshim mase ka kërkuar edhe ish-anëtari tjetër i KVO-së, Pëllumb Abeshi.

Gjykata ka caktuar masën e sigurisë arrest shtëpie për Kondin. Ndërsa për Pëllumb Adeshi masën arrest me burg.

Gjykata e Posaçme e Shkallës së Parë për Korrupsionin dhe Krimin e Organizuar ka lëshuar 9 urdhër-arreste me kërkesë të SPAK, pas hetimeve për inceneratorin e Fierit.

Mes personave në hetim nga SPAK janë ish-ministri i Mjedisit, Lefter Koka, Klodian Zoto, administrator i Integrated Technology Services si dhe ish-administratori i Inceneratorit të Fierit, Arenc Myrtezani.

Akuzat për ish-ministrin Koka janë shpërdorim detyre, korrupsion dhe pastrim parash për rastin e inceneratorit të Fierit, ndërsa aktualisht ndodhet në burg për hetimet që  lidhet me inceneratorin e Elbasanit.

Për Zoton, SPAK ka ngritur akuzat e korrupsionit dhe pastrim parash. Gjithashtu dhe Myrtezani dyshohet për korrupsion dhe pastrim parash.

LEXONI GJITHASHTU:

• GJKKO lë në fuqi kërkesën e SPAK për të akuzuarit për inceneratorin e Fierit
• Gazetari Zhabina: Tre inceneratorët duhet të hetoheshin bashkë
• 9 emrat e personave në akuzë nga SPAK për inceneratorin e Fierit