Autoriteti i Dosjeve padi për çështjen I.M| 5 zhvillimet kryesore

• Autoriteti i Dosjeve po përgatit padinë për çështjen I.M

Autoriteti kërkon që Prokuroria të zbardhë se kush është personi që vuri në lëvizje institucionin nëpërmjet e-mailit anonim në adresën e kryetares së këtij institucioni, Genta Sula.

Në e-mail, përveç fakteve dhe indicieve se ku duhej të kërkonin, personi ende i paidentifikuar paralajmëronte kryetaren e Autoritetit se nëse nuk zbardhte këtë çështje, do ta bënte ai duke publikuar fakte komprometuese.

Lexoni për më shumë: Autoriteti i Dosjeve po përgatit padinë për çështjen I.M

• Kuvendi miraton ndryshimet në qeveri

Në seancën parlamentare të së enjtes Kuvendi miratoi ndryshimet në qeveri, konkretisht shkarkimin e Arben Ahmetajt nga posti i zv. kryeministrit dhe emërimin e Belinda Ballukut në vend të tij.

Lexoni per me shumë: Kuvendi miraton ndryshimet në qeveri

• Escobar: Me rëndësi që rajoni të distancohet nga energjia ruse

I dërguari i posaçëm amerikan për Ballkanin, Gabriel Escobar i tha Zërit të Amerikës se është me rëndësi që rajoni të distancohet nga energjia ruse.

Ai u shpreh se situata e  krijuar në Ukrainë nuk do të ndikojë te Ballkani Perëndimor dhe Moska nuk synon cenimin e rajonit, sidoqoftë energjia është një pikë e fortë në luftën ruse, nga e cila duhet distancë.

Lexoni per me shumë: Escobar: Me rëndësi që rajoni të distancohet nga energjia ruse

• Balla sulmon Metën e Berishën: ‘Non gratat’ po sulmojnë të përndjekurit

Kreu i grupit parlamentar socialist, Taulant Balla sulmoi Sali Berishën dhe Ilir Metën për deklaratat e tyre në drejtim të kryetares së Autoritetit të Dosjeve lidhur me të ashtuquajturën dosja e I.M.

Nga foltorja e Kuvendit gjatë seancës së të enjtes, Balla tha se është e papranueshme se si një non-grata dhe bashkëpunëtorët e sigurimit të sulmojnë të përndjekurit politikë.

Lexoni per më shumë: Balla sulmon Metën e Berishën: ‘Non gratat’ po sulmojnë të përndjekurit

• Të maskuar, momenti kur autorët i vendosën eksplozivin servisit në Tiranë

Një sasi eksplozivi shpërtheu pas mesnate në një servis automjetesh në zonën e liqenit të thatë në kryeqytet.

Në pamjet e siguruara nga Euronews Albania shfaqen dy persona ende të paidentifikuar, që vendosin tritolin me fitil ndezës, e më pas largohen me biçikleta.

Lexoni per më shumë: Të maskuar, momenti kur autorët i vendosën eksplozivin servisit në Tiranë