Vihet nën kontroll zjarri në Dropull pas ndërhyrjes nga ajri të avionëve grekë

Pas ndërhyrjes së dy avionëve grekë, është vënë nën kontrolli zjarri i rënë në fshatin Goranxi të Bashkisë së Dropullit.

Ndërhyrja nga ajri e avionëve grekë dhe helikopteri të Ministrisë së Mbroijtjes filloi në orët e para të mëngjesit të së dielës.

Me ndërhyrjen nga ajri dhe toka përgjatë gjithë ditës së djeshme dhe sot, është bërë e mundur mbajtja jashte rrezikut e banesave dhe banorëve.

Në fshatin Goranxi, zjarri përfshiu sipërfaqe me barishte dhe pemë me lartësi 3-4 metra. Zjarri i ndihmuar edhe nga era mori përmasa të menjëhershme duke rrezikuar fshatrat Derviçan, Frashtan dhe Grapsh.

Nderhyrja e forcave operacionale ishte e menjëhershme duke shmangur rrezikun e djegies së banesave.

Bashkia Dropull u mbështet me mjete zjarrfikëse nga bashkitë Libohovë, Gjirokastër, Këlcyrë, Përmet, Memaliaj, Sarande, Finiq dhe Forcat e Armatosura. Gjithashtum, u angazhuan 144 forca operacionale dhe 12 mjete zjarrfikëse.

Për shkak të situatës, u aktivizua sistemi i Mekanizmit të Mbrojtjes Civile të Bashkimit Evropian (ERCC), nga ku Greqia ka ofrui asistence nderkombetare me 2 avionë.

LEXONI GJITHASHTU

• 4 vatra zjarri në Kepin e Rodonit, zjarrfikësit e Durrësit me mjete primitive
• Zonat problematike nga zjarret, ndërhyrje edhe nga ajri