Momentet e arrestimit të 37-vjeçarit që vrau bashkëjetuesen në Elbasan

Policia e Elbasanit ka publikuar pamjet e aksionit për arrestimin e Ramis Micit, autori i dyshuar i vrasjes së 37-vjeçares Jetlira Elezi, bashkëjetuesja e tij.

Mësohet se 37-vjeçari, i cili menjëherë pas ngjarjes ishte larguar, qëndronte poshtë një ure në përroin e Zaranikës.

Arrestimi i tij u bë pranë banesës së një të afërmi të tij në Elbasan.

“Në kuadër të operacionit policor të koduar “Zaranika”, si rezultat i ndjekjes së  pandërprerë gjatë gjithë kohës në qytetin e Elbasanit,  Cërrikut dhe Kuçovës, si dhe informacioneve të marra në rrugë operative,  afër banesës së të afërmve të tij në Elbasan, u bë kapja dhe arrestimi i shtetasit Ramis Micit”, thotë policia.

37-vjeçari  dyshohet se vrau me thikë, bashkëjetuesen e tij Jetlira Elezi për motive xhelozie.

Burime për Euronews Albania bëjnë me dije se 37-vjeçari e kishte dhunuar të ndjerën edhe pak ditë më parë. Kjo e fundit e kishte denoncuar në polici dhe kishte deklaruar se ishte pajisur me urdhër mbrotjeje nga Gjykata e Elbasanit.

Viktima dhe autori Ramis Mici ishin të divorcuar dhe kishin nga dy fëmijë nga martesat e mëparshme. Jetlira mbante një nga fëmijët e saj, ndërsa fëmijët e Ramisit jetonin tek ish e shoqja.

LEXONI GJITHASHTU:

• Vrasja e 37-vjeçares në Elbasan dyshohet se ndodhi për motive xhelozie
• 37-vjeçarja që u vra në Elbasan e pajisur me urdhër mbrojtjeje