‘Putin i vogël, të pret fati i Millosheviçit’, Berisha reagon ndaj Vuçiçit

Kryetar i Partisë Demokratike, Sali Berisha ka reaguar lidhur me deklaratën e presidentit serb Aleksandër Vuçiç pas vendimit për reciprocitet të targave mes Kosovës dhe Serbisë që hyn në fuqi nesër, më 1 gusht.

Përmes një postimi në rrjetet sociale Berisha e cilëson Vuçiçin një Putin të vogël të cilin e pret i njëjti fat me Millosheviçin.

“Duke dënuar me ashpërsinë më të madhe qëndrimin e Presidentit të serbomadhisë Aleksandër Vuçiç ndaj marrëveshjeve dhe kërcënimin e tij për reagim vdekjeprurës ndaj vendimit legjitim të qeverisë së Republikës së Kosovës, paralajmëroj presidentin e serbomadhisë të lërë kërcënimet dhe të mos guxojë ndonjë akt aventuresk se fati i kasapit të Ballkanit, atit të tij shpirtëror Sllobodan Millisheviç e pret”, shprehet Berisha.

Gjatë një deklarate për mediat sot në Beograd, Vuçiç tha se ai po përpiqet që t’u kërkojë të gjithëve, përfshirë serbëve në Kosovë, që të mos bëjnë asgjë që mund të çojë në konflikt.

Megjithatë, ai, duke mbajtur një pankartë me hartën e Kosovës të mbuluar me flamurin e Serbisë, shtoi se “nuk do të ketë dorëzim dhe Serbia do të fitojë”.

LEXONI GJITHASHTU:

• Vuçiç bën thirrje për qetësi, i druhet reagimit të serbëve të Kosovës
• ‘Nuk heqim dorë’, Vuçiç nxjerr hartën e Kosovës me flamurin e Serbisë