‘Na presin orë e ditë sfiduese’, Kurti reagon pas tensioneve në Veri

Kryeministri i Kosovës Albin Kurti ka reaguar pas situatës së krijuar në Veri të Kosovës një ditë para lëshimit të dokumenteve të hyrje-daljeve në vendkalimet kufitare me Serbinë.

Përmes një video mesazhi Kurti shprehet se ajo që po ndodh në veri me bllokime rrugësh e të shtëna armësh u planifikuan në Beograd e Rashkë nga Vuçiç dhe Petkoviç të cilët siç thotë, janë përgjegjësit kryesorë për trazirat.

Kurti u bën thirrje qytetarëve të ,mos lejoni të dezinformoheni nga mediet e Beogradit zyrtar apo edhe ndonjë medie në Kosovë që me vetëdije u shërben atyre apo pa vetëdije bie pre e tyre, ndërsa paralajmëron për orë dhe ditë sfiduese pas vendimit të qeverisë për reciprocitet me Serbinë.

“Orët e ditët e javët në vijim mund të jenë sfiduese e problematike. Po përballemi me nacional-shovinizmin serbomadh që e njohim mirë. Do të punojmë ditë e natë, do të jemi në krye të detyrës, për juve si qytetarë dhe për Republikën tonë demokratike. Dhe, së bashku arrijmë të ngadhënjejë rendi e ligji duke i vendosur ato në çdo cep të vendit”, shprehet Kurti.

LEXONI GJITHASHTU:

• Mediat raportojnë për 3 të plagosur në Veri, policia e përgënjeshtron
• Serbët bllokadë në Veri, mbyllen pikat e kalimit në Jarinjë dhe Bernjak