Komisioneri Publik kërkon shkarkimin e prokurorit të Durrësit

Komisioneri Publik ka ankimuar pranë Gjykatës Kushtetuese, vendimin e dhënë më 26 maj të këtij viti nga Komisioni i Pavarur i Kualifikimit, që rikonfirmoi në detyrë Prokurorin në Prokurorinë pranë Gjykatës së Rrethit Gjyqësor Durrës, Bledar Bejko.

Sipas Komisionerit Publik, pas shqyrtimit të këtij vendimi janë konstatuar rrethana ligjore dhe fakte që e bëjnë të cenueshëm vendimin në tërësinë e tij.

Për këtë arsye, Komisioneri Publik ka kërkuar ndryshimin e vendimit të dhënë nga KPA dhe shkarkimin e prokurorit Bejko.

Bledar Bejko e ka nisur karrierën në sistemin e drejtësisë në vitin 1999 si prokuror në Prokurorinë e Tiranës.

Në vitin 2007, ai u transferua në Prokurorinë e Fierit dhe prej vitit 2013 e ushtron funksionin në Prokurorinë e Durrësit.

LEXONI GJITHASHTU

• Kryeprokurori Çela: Urgjentisht ndërhyrje për krimin kibernetik
• Shkarkohet prokurori i Tiranës, vendos KPA