Çika: Shumë politikanë kanë qenë bashkëpunëtorë të ish-Sigurimit të Shtetit

Ish-kryetari i Shoqatës Antikomuniste dhe ish të Përndjekurve politikë, Nebil Çika thotë se shumë politikanë kanë qenë bashkëpunëtore të ish-Sigurimit të Shtetit.

Në një intervistë për “Euronews Albania”, ai u shpreh se komisionet e ngritura për verifikimin e ish-bashkëpunëtorëve, nuk janë të vlefshme.

Ai përmendi disa emra politikanësh, sipas të cilët edhe pse kanë qenë bashkëpunëtorë, e kanë kaluar filtrin nga këto komisione.

“Ne gjatë periudhës para se të plaste ky skandali që pretendohet për Ilir Metën, kemi nxjerrë disa figura të tjera që kanë qenë bashkëpunëtorë të Sigurimit të Shtetit, por që Komisioni “Bezhani “dhe Mezini i ka kaluar. Për mua këto komisione nuk janë të vlefshme.

Ne i kemi vërtetuar me dosje që bashkëpunëtorë të Sigurimit të Shtetit e kanë kaluar filtrin, janë në politikë, në gjykata, në të gjithë sistemin shqiptar dhe nuk janë pak, janë me qindra. Janë shumë, është listë e gjatë. Ish-kryetari i Parlamentit Gramoz Ruçi ka qenë një bashkëpunëtor i ish-Sigurimit të Shtetit. Edhe ish-zëvendës ministri Genc Ruli. Mora dy shembuj, por lista është e gjatë”, theksoi ai.

LEXONI GJITHASHTU

• Rama zbulon prapaskenat, si shkoi Genta Sula kryetare te Autoriteti i Dosjeve
• Meta i kundërpërgjigjet Ramës: Karikatura në revistat e ish-Sigurimit