Të ndalen sulmet vetëvrasëse në centralin bërthamor të Zaporizhias, thotë OKB-ja

Shefi i Organizatës së Kombeve të Bashkuara (OKB), Antonio Guterres ka bërë thirrje për dhënie fund të operacioneve ushtarake rreth centralit më të madh bërthamor në Evropë në Zhaporizia të Ukrainës jugore.

Ky qytet është goditur nga një seri bombardimesh që nga e premtja e kaluar, me forcat ruse dhe ukrainase që fajësojnë njëra-tjetrën për sulmet, shkruan Euronews.

“Çdo sulm ndaj centraleve bërthamore është një gjë vetëvrasëse,” u tha Guterres gazetarëve në Tokio, duke shtuar se inspektorët ndërkombëtarë duhet të lejohen të hyjnë menjëherë në central.

Deklarata nga shefi i OKB-së vijnë pasi kompania shtetërore e energjisë e Ukrainës tha të dielën se një punëtor në uzinën e Zaporizhzhia u plagos nga bombardimet ruse të shtunën në mbrëmje.

Kreu i Agjencisë Ndërkombëtare të Energjisë Atomike (IAEA) ngriti shqetësime të mëdha  rreth bombardimeve në Zaporizhia, duke paralajmëruar për një katastrofë bërthamore të mundshme.

LEXONI GJITHASHTU

• Po rrezikon terror bërthamor, Ukraina akuza Rusisë për bombardimet në Zaporizhia
• Forcat ukrainase sulmuan centralin bërthamor të Zaporizhias, thotë Kremlini
• Termocentrali bërthamor jashtë kontrollit, AI: Ukraina e Rusia po rrezikojnë civilët