Meta: Hetimet për inceneratorët me hapin e breshkës, SPAK të reflektojë

Kryetari i Partisë së Lirisë, Ilir Meta thotë se hetimet e SPAK në lidhje me inceneratorët dhe veçanërisht atë të Tiranës kanë ecur me ritme të ngadalta.

Në një deklaratë për mediat, ish-presidenti u shpreh se drejtësia duhet të reflektojë pasi sipas tij, kemi të bëjmë me një grup kriminal.

“Personat që kanë firmosur e dinë shumë mirë se çfarë duhet të bëjnë ata dhe të tjerët. Minimumi shpërdorimi i detyrës. Këtu është e qartë se kemi të bëjmë me një grup të strukturuar kriminal. Dhe drejtësia duhet të reflektojë me këto akuza. Hetimet kanë ecur me hapin e breshkës ndërsa vjedhjet vazhdojnë me shpejtësinë e kangurit. Këto dokumente janë pranë SPAK, por gjykatësi më i mirë i kësaj do jetë populli i Tiranës”, theksoi Meta.

Meta tha se kompania për inceneratorin e Tiranës ka marrë kredi në bankat e nivelit të dytë, duke lënë si kolateral prona publike.

Ndërsa, koordinatorja për luftën kundër korrupsionit në Partinë e Lirisë, Brisida Shehaj tha se gjithsej janë marrë 8 kredi.

LEXONI GJITHASHTU

• Partia e Lirisë: Inceneratori i Tiranës mori kredi në bankë, la peng pronat publike
• 30 mln $ evazion fiskal, Kryemadhi publikon dosjet e çuara në SPAK për inceneratorët
• Punonjësi i inceneratorëve u bë pronar, Partia e Lirisë i kërkon SPAK të hetojë