Dy objekte të antikitetit për 18-25 mijë euro, policia arreston 3 trafikantët

Policia raportoi të martën arrestimin e tre personave në Durrës, të cilët po përpiqeshin të trafikonin 2 objekte të trashëgimisë kulturore.

Pas 3 javësh hetime policia konkretizoi operacionin e ashtuquajtur “Antika” dhe arrestoi A.V 49 vjeç, A.V 37 vjeç dhe R.Z 48 vjeç, të cilët po mundoheshin të shisnin për 18 deri në 25 mijë euro 2 vepra të periudhës së antikitetit.

Të tre personat u kapën në flagrancë ndërsa autoritetet kanë ngritur ndaj tyre akuzën e “trafikimit të veprave të artit dhe kulturës”. Ata rrezikojnë nga 3 deri në 10 vite burg.