‘Kam marrë mesazhe urrejtjeje’, e afërmja e aktorit: Askush nuk e di çfarë ndodhi

Anisela Zhupani, e afërme e aktorit Florind Belliu i cili humbi jetën tragjikisht në SHBA disa ditë më parë tha se nisma e saj për donacione GOFUNDME, tha se në më pak se 24 orë janë grumbulluar 50 mijë dollarë për fëmijët e çiftit të ndjerë.

Ajo sqaroi se paratë do përdoren për rritjen e fëmijëve dhe nuk kanë lidhje me kujdestarinë e fëmijëve, gjë për të cilën siç tha është ende herët të flitet.

Zhupani u shpreh se kanë qenë të shumtë njerëzit që pasur dëshirë të kontribuojnë për 2 fëmijët e mitur por shtoi se ka marrë edhe shumë mesazhe urrejtjeje të cilat siç tha nuk kanë vend në një moment të tillë.

“Ka pasur shumë që thjesht kanë dërguar paratë. Ka pasur një pjesë shumë të madhe të njerëzve që kanë dërguar mesazhe urrejtje. Ka pasur donatorë dhe është ajo pjesa tjetër që nuk dua ta përmend. Ka shumë urrejtje dhe është e pavend. Ajo që ndodhi, ndodhi, nuk e dimë si ndodhi. Më dhemb shpirti për ata dy engjëj se bota iu shemb. Të paktën këta fëmijë të marrin dashurinë e familjarëve të tyre. Më dhemb shpirti për ata dy engjëj se bota iu shemb”, tha Zhupani.

LEXONI GJITHASHTU:

• ‘Mbledhjen e fondeve s’e kanë kërkuar motrat’, flet e afërmja e Florind Belliut
• ‘Nëna puthi fëmijën para se të hidhej’, flet i afërmi i aktorit shqiptar në SHBA