Zelenski: Çdo rus që qëllon në centralin bërthamor do bëhet objektiv i ukrainasve

Presidenti ukrainas, Volodimir Zelenski ka akuzuar Rusinë se po përdor termocentralin në Zaporizhia për shantazh bërthamor.

Ai theksoi forcat ukrainase do të synojnë çdo ushtar rus që qëllon në centralin bërthamor të Zaporizhias, ndërsa të dyja palët vazhdojnë të shkëmbejnë akuza për incidentet e fundit të bombardimeve në të, shkruan BBC.

“Çdo ushtar rus që ose qëllon në uzinë, ose qëllon duke përdorur uzinën si mbulesë, duhet të kuptojë se ai bëhet një objektiv i veçantë për agjentët tanë të inteligjencës, për shërbimet tona speciale, për ushtrinë tonë”, u shpreh ai.

Kievi dhe Moska vazhdojnë të shkëmbejnë akuza për rreziqet e luftimeve pranë centralit bërthamor, për të cilin Kombet e Bashkuara thanë se duhet të çmilitarizohet zona rreth tij.

Zaporizhji është centrali më i madh bërthamor në Evropë dhe në të gjenden gjashtë nga 15 reaktorët që gjenden në Ukrainë.

Forcat ruse e kanë nën kontroll këtë central që nga ditët e para të pushtimit në Ukrainë.

LEXONI GJITHASHTU

• Zyrtari ukrainas: Rreziku i katastrofës bërthamore në Zaporizhia po rritet çdo ditë
• Rreziku për katastrofë atomike, OKB kërkon akses në impiantin e Zaporizhias
• Punëtorët në centralin e Zaporizhias: Jemi nën kërcënimin e armëve nga rusët