Albin Kurti po e përdor debatin mbi shaminë politikisht për vota, sipas gazetarit

“Debati në Kosovë mbi mbajtjen e shamisë është politik dhe po përdoret nga kryeministri Albin Kurti.”

Kështu u shpreh në një intervistë për “Euronews Albania”, gazetari Vullnet Krasniqi.

Sipas tij, bazuar në deklaratën e Kurtit se është i gatshëm të lejojë mbajtjen e shamisë në shkolla e institucione publike që 16-vjeç, tregon se ai kërkon vota prej tyre.

“Debati në Kosovë është politik. Nëse e sheh deklarimin e kryeministrit Kurti i cili foli për këtë çështje, që tha po jam i gatshëm për ta vendosur në moshën 16-vjeçare. Në fakt, nuk është 16 vjeç vetëm për shami, ai po e përdor shaminë për të hapur një debat tjetër, për t’i lejuar që të votojnë 16 vjeçarët. Ai e ka përmendur në mënyrë sporadike, kryeministri do të lejojë edhe 16-vjeçarët të jenë pjesë e votimeve. Nuk mundesh në moshën 16-vjeçare të marrësh një vendim politik”, deklaroi ai.

LEXONI GJITHASHTU

• Vajzat që mbajnë shami përballen me diskriminim, thotë pedagogia
• ‘S’ka ndalesa për shaminë’, Dyrmishaj: Praktika jonë ligjore shembull për rajonin
• ‘Të futet mësimi fetar në shkolla’, Zeka: Debati për shaminë i pavend