Gjyqtarja e Elbasanit e akuzuar për korrupsion e cilëson të padrejtë hetimin e SPAK

Apeli i Gjykatës së Posaçme kundër Korrupsionit dhe Krimit të Organizuar (GJKKO) ka lënë në fuqi masën e sigurisë “Arrest shtëpie” për gjyqtaren e Elbasanit, Zamira Vyshka.

Gjyqtarja ankimoi në Apelin e GJKKO. E pyetur lidhur me procesin që ka nisur ndaj saj nga SPAK me dyshimet për korrupsion, gjyqtarja e cilësoi të padrejtë.

Vyshka akuzohet nga Struktura e Posaçme (SPAK) për korrupsion, pasi dyshohet se ka negociuar me familjarë të një të arrestuari për t’i lehtësuar pozitën penale.

Sipas hetimeve të nisura në vitin 2021, gjyqtarja ka kërkuar fillimisht 2 milionë leke, por më pas e ka rritur kërkesën në 4 milionë.

Në gjykatë këtë diel u paraqitën edhe Xhulio Hyska personi që do t’i lehtësohej masa e dënimit dhe familjarët e tij.

Xhulio Hyska sipas prokurorisë është personi që pagoi paratë me anë të familjarëve të tij . Ai akuzohej për plagosje ndërsa hetimi për këtë rast nisi pas disa përgjimeve të kryera për një rast të dyshuar korrupsioni.

LEXONI GJITHASHTU:

• Kallëzim anonim në SPAK, si ra në pranga gjyqtarja e Elbasanit
• Akuzohet për korrupsion, gjyqtarja e Elbasanit lihet në “arrest shtëpie”