Gjermania e prerë: Parlamenti të miratojë marrëveshjen e 5 qershorit pa asnjë ndryshim

Një nga drejtuesit kryesorë të CDU/CSU në Bundestagun gjerman, Johan Vadeful, kërkoi miratimin pa ndryshim të marrëveshjes mes palëve për Kodin Zgjedhor, të arritur në 5 qershor në Këshillin Politik.

Përmes një postimi në Twitter, z. Vadeful shpreh keqardhjen që kjo marrëveshje nuk është miratuar akoma, por i nxit palët politike në Shqipëri që ta finalizojnë këtë marrëveshje, e cila është një nga kriteret për integrimin e vendit në BE.

It is regretful that the June 5-th agreement isn’t yet codified. Approval of the cross party consensual electoral reform without any changes, and its implementation is key for Albania’s EU path. I urge all sides, esp. MPs, to finalize this important criteria. Go, #Albania!

— Johann Wadephul (@JoWadephul) July 9, 2020

“Shpreh keqardhjen që marrëveshja e 5 qershorit nuk është kodifikuar akoma. Aprovimi me konsensusin e partive politike i reformës zgjedhore, pa asnjë ndryshim, si dhe zbatimi i saj është kyç për rrugën e Shqipërisë drejt BE. Nxis të gjitha palët, në veçanti, deputetët, ta finalizojnë këtë kriter të rëndësishëm. Forca Shqipëri!”, shkruan zyrtari gjerman.