Blogerë apo spiunë? Çfarë fotografuan rusët në Shqipëri

Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas janë arrestuar mbrëmjen e së shtunës pas një incidenti në uzinën ushtarake në Gramsh.

Në dëshminë e tyre, ata kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.

Në rrjetet e tyre sociale, ata kanë postuar fotografi të bunkerëve dhe tuneleve të nëndheshme në vendin tonë.

“Shumica e dyerve në bunkerët shqiptarë janë prej betoni. Më rrallë ka dyer çeliku (me beton brenda)”, përshkruhet në foton që tregon derën prej betoni të një tuneli të nëndheshëm.

“Qëllimi i bunkerëve mund të jetë i ndryshëm: nga strehimoret dhe depot deri tek prodhimi nëntokësor”, thuhet në foto ku tregohet një strehimore.

Një tjetër foto, është ajo e postuar e një prej këtyre shtetasve brenda një tuneli.

|Në përgjithësi dera e blinduar prej çeliku është një kafshë e rrallë. Kafsha e rrallë është një idiomë, do të thotë jashtëzakonisht e rrallë”, shkruan ai.

“Bunkerët janë ndërtuar në punimet e minierës dhe të përfunduara me beton për kallep. Në krye të saj shpesh janë të dizajnuara me izolim plastik”, është përshkrimi i një fotoje tjetër teksa në foto është një person i cili fotografon.

LEXONI GJITHASHTU

• Ekskluzive| Dëshmia e banorit që ndihmoi ushtarët: U dëmtova edhe vetë nga spraji
• ‘Jemi fotografë’, zbardhet dëshmia e rusëve që tentuan të futen në uzinën e Gramshit