VIDEO | Pamje nga makina që përdorën rusët për të hyrë në uzinën në Gramsh

Euronews Albania ka siguruar video të automjetit luksoz, me të cilët dy shtetasit rusë dhe një ukrainase shkuan në uzinën ushtarake në Gramsh mbrëmjen e së shtunës.

Automjeti tip “Chevrolet” është filmuar nga banorë të zonës, para se të ndodhte incidenti në uzinë.

Një automjet tepër i kushtueshëm, çmimi fillestar i të cillit shkon në 60 mijë euro. Prej disa ditësh, banorët kishin parë lëvizje të këtyre shtetasve të huaj.

Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas janë arrestuar mbrëmjen e së shtunës pas një incidenti në uzinën ushtarake në Gramsh.

Në dëshminë e tyre, ata kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.

LEXONI GJITHASHTU

• ‘Rama i konsideron spiunë’, mediat ruse për incidentin në uzinën në Gramsh
• Blogerë apo spiunë? Çfarë fotografuan rusët në Shqipëri
• Ekskluzive| Dëshmia e banorit që ndihmoi ushtarët: U dëmtova edhe vetë nga spraji