Sulmi në uzinën e armëve në Gramsh, reagon Yuri Kim

Ambasadorja amerikane Yuri Kim ka reaguar pas sulmit në uzinë e Gramshit.

Në një postim në Twitter Kim thotë se ditën e sotme ka folur me ministrin e Mbrojtjes Niko Peleshi dhe me Shefin e Shtabit të Përgjithshëm, Gjeneral Brigade Arben Kingjin rreth incidentit që ndodhi mbrëmjen e së shtunës në Uzinën e Përpunimit të Armëve në Gramsh.

“Ne qëndrojmë me aleatin tonë teksa autoritetet hetojnë plotësisht për të përcaktuar faktet dhe për të vënë para përgjegjësisë autorët”, shkruan ambasadorja.

I spoke w/🇦🇱 DefMinister @nikopeleshi & Chief of Defense Gen. Kingji to wish speedy recovery to the 2 soldiers injured last night while protecting 🇦🇱 military facility. We stand w/our Ally as authorities investigate fully to determine facts & hold accountable those responsible.

— Ambassador Yuri Kim (@USAmbAlbania) August 21, 2022

Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas janë arrestuar mbrëmjen e së shtunës pas një incidenti në uzinën ushtarake në Gramsh.

Në dëshminë e tyre, ata kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.