3 javë më parë u futën në Shqipëri të dyshuarit për spiunazh (Detajet)

Dy shtetasit rusë dhe ukrainasi të cilët u përfshinë në incidentin në uzinën ushtarake në Gramsh, kanë hyrë në Shqipëri 3 javë më parë.

Burim për “Euronews Albania” bëjnë me dije se një prej tyre, drejtuesi i automjetit tip ““Chevrolet” ka hyrë nga porti i Durrësit, ndërsa dy të tjerët nga aeroporti i Rinasit.

Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas janë arrestuar mbrëmjen e së shtunës pas një incidenti në uzinën ushtarake në Gramsh.

Në dëshminë e tyre, ata kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.

Euronews Albania ka siguruar video të automjetit luksoz, me të cilët ata shkuan në uzinën ushtarake në Gramsh mbrëmjen e së shtunës.

Automjeti tip “Chevrolet” është filmuar nga banorë të zonës, para se të ndodhte incidenti në uzinë.

Një automjet tepër i kushtueshëm, çmimi fillestar i të cillit shkon në 60 mijë euro. Prej disa ditësh, banorët kishin parë lëvizje të këtyre shtetasve të huaj.

LEXONI GJITHASHTU

• Ekskluzive | Pamje nga makina që përdorën rusët për të hyrë në uzinën në Gramsh
• Blogerë apo spiunë? Çfarë fotografuan rusët në Shqipëri
• Ekskluzive| Dëshmia e banorit që ndihmoi ushtarët: U dëmtova edhe vetë nga spraji