Hetimi i Metës, Balliu: Me urdhër të Ramës për të hequr vëmendjen nga inceneratorët

Ish-deputeti i Partisë Demokratike, Klevis Balliu thotë se nisja e hetimeve për Ilir Metën bëhet me porosi të Edi Ramës për të hequr vëmendjen nga çështje me rëndësi.

Në një intervistë për Euronews Albania, Balliu u shpreh se SPAK zbatoi një urdhër të dhënë nga Rama në Kongresin e PS ku kërkoi të hetoheshin kundërshtarët e tij politik dhe jo ministrat.

Sipas tij, gjithçka bëhet për të tërhequr vëmendjen nga afera korruptive e inceneratorëve, që merr çdo ditë nga shqiptarët 80 mijë euro për diçka që nuk e kanë.

“Rama i drejtoi një urdhër të qartë SPAK-ut; mos heto ministrat  e mi po kundërshtarët e mi. E dyta është zhvendosja e vëmendjes nga gjërat më të rëndësishme siç janë inceneratorët. Mafia e inceneratorëve po ndërton pallate në Tiranë për të cilat prishen shtëpitë e njerëzve të thjeshtë. Shqiptarët paguajnë çdo ditë 80 mijë euro në ditë për inceneratorët që nuk ekzistojnë. Pse nuk e merr nën hetim SPAK Erion Veliajn”, u shpreh ish-deputeti.

LEXONI GJITHASHTU:

• Kryemadhi nxjerr certifikatën e Metës: Do ndihmojmë SPAK-un edhe për inceneratorët
• SPAK nis hetimet për Ilir Metën