Bënte gara shpejtësie e i publikonte në rrjete sociale, gjobitet shoferi i “Benz-it”

Policia e Tiranës ka gjobitur shoferin e makine “Benz”, i cili bënte gara shpejtësie në bulevardin “Zogu i parë”, në kryeqytet.

Policia njofton se shoferi me iniciale O.SH i publikonte videot me gara në rrjetet sociale dhe për arsye ai është ndëshkuar me 40.000 lekë të rinj.

Sakaq nga ana e bluve po vijon puna për kapjen edhe të drejtuesit të automjetit tjetër që bënte gara shpejtësie bashkë me drejtuesin e automjetit tip “Benz”.

“Policia Rrugore e Tiranës apelon për të gjithë drejtuesit e mjeteve që të respektojnë rregullat e qarkullimit, të mos kryejnë gara shpejtësie, të vendosin rripin e sigurimit , të mos përdorin celularin gjatë drejtimit të mjetit, të mos kryejnë parakalime të gabuara, si dhe të mos drejtojnë mjetin nën efektin e alkoolit apo në gjendje të dehur”,  njofton policia.