“S’ka të bëjë me komunizmin”, reagon këngëtari për yllin e shfaqur në ‘Sunny Hill’

Për festivalin ‘Sunny Hill’ ka pasur reagime të shumta, pasi një ditë më parë u shfaq flamuri me yllin komunist.

Në lidhje me këtë ka reaguar dhe lideri i grupit rok “Asgjë Sikur Dielli”,Alban Nimani ku nëpërmjet një postimi që ka bërë në rrjetet sociale, thotë se shfaqja e flamurit kombëtar me yll, nuk ka të bëjë me glorifikimin e komunizmit, përkundrazi, sipas tij në klipin e këngës jepet shfaqja e komunizmit.

Sipas tij në klipin e këngës “Ku ka më mirë se me qenë shqiptar?”, trajtohen ngjarjet dhe figurat historike nga antikiteti deri në ditët e sotme, në mënyrë surrealiste dhe ironike.

Reagimi i plotë:

Video klipi i këngës “Ku ka më mirë se me qenë shqiptar?” është publikuar në vitin 2005, dhe është një parodi e stilit Monty Python, ku trajtohen ngjarjet dhe figurat historike nga antikiteti deri në ditët e sotme, në mënyrë surrealiste dhe ironike.

Shfaqja e flamurit kombëtar me yll, nuk ka të bëjë me glorifikimin e komunizmit, përkundrazi, në video klip shembet komunizmi.

Ne jemi shumë koshient për persekutimet, krimet dhe vuajtjen që e ka shkaktuar komunizmi në Shqipëri, sepse edhe i perkasim familjeve të persekutuara.

LEXONI GJITHASHTU:

• ‘Satirë ndaj regjimit’, reagon Veliaj për flamurin me yllin komunist në ‘Sunny Hill’