Babai mori fëmijën në krah dhe kërkoi ndihmë, detaje nga aksidenti në Vlorë

Një aksident me pasojë vdekjen e një 6-vjeçari ka ndodhur të martën rreth orës 04:45 në aksin rrugor Fier-Vlorë, në afërsi të fshatit Panaja.

Një familje sapo ishte kthyer nga Turqia dhe shkak i humbjes së kontrollit të mjetit dyshohet të ketë qenë përgjumja e shoferit.

33-vjeçari ka dalë menjëherë nga makina bashkë me 6-vjeçarin që humbi jetën për të kërkuar ndihmë. Korrespondentja e Euronews Albania, Ebrieta Maçaj tha se ai pohoi se askush nuk e kishte ndihmuar.

Bashkëshortja e cila kishte ndenjur në makinë bashkë me 3-vjeçarin kishte telefonuar fillimisht të ëmën dhe më pas ambulancën.

Ka pasur një vonëse sa i takon lajmërimit të ngjarjes, tha Maçaj.

Ende nuk ka komunikim zyrtar nga policia që po heton ngjarjen. Nga spitali rajonal i Vlorës, raportohet se babai, mamaja dhe 3-vjeçari janë në gjendje të mirë shëndetësore.

LEXONI GJITHASHTU:

• Aksident në Vlorë, humb jetën 6-vjeçari