Ndalimi i koalicioneve, Bardhi: Rama po zhbën marrëveshjen e 5 qershorit, koalicionet lejohen me Kushtetutë

Pas deklaratave të Kryeministrit Edi Rama në parlament ku u ripozicionua pro ndryshimeve të Kushtetutës, ka reaguar Partia Demokratike përmes sekretarit të Përgjithshëm, Gazmend Bardhi.

Bardhi tha se marrëveshja e dakordësuar me 5 qershor i lejon koalicionet parazgjedhore, por është Rama ai që po i ndalon.

“Duke eleminuar koalicionet siç parashikohen sot me Kushtetutë dhe në Kodin Zgjedhor, Edi Rama zhbën marrëveshjen e 5 qershorit. Përcaktimi kushtetues nuk ka asnjë dilemë për çështjen e koalicioneve. Koalicionet lejohen nga Kushtetuta, por po ndalohen nga Edi Rama për interesin e tij personal. Pra, marrëveshja, jo vetëm lejon koalicionet parazgjedhore, por u jep mundësinë partive politike brenda një koalicioni të garojnë me lista të veçanta. Ja, ku është drafti, i dakordësuar mes palëve sipas marrëveshjes së 5 qershorit. Me ndryshimet e njëanshme kushtetuese, Edi Rama do që ta ndryshojë këtë dakordësi dhe të detyrojë partitë të garojnë siç do ai,” – u shpreh Bardhi.

Lexoni gjithashtu:

Rama: Marrëveshja e 5 qershorit nuk preket në asnjë pikë. Nuk i kemi hequr koalicionet, i kemi bërë si Gjermania

Meta: Koalicionet të hiqen vetëm me referendum, Parlamenti s’ka legjitimitet për të ndryshuar kushtetutën

Rudina Hajdari: Se sa do të votohem, kjo do të shihet në zgjedhjet e ardhshme

KE: Marrëveshja e 5 qershorit të miratohet e pandryshuar pa u rrezikuar nga ndryshime të tjera

Rama: Deklarata e Whadephul zhgënjyese, parlamenti s’është noter pa të drejtë fjale