Pro apo kundër hapjes së negociatave? 86% e qytetarëve mbështesin procesin, por s’i dinë kushtet

Shqiptarët janë pro hapjes së negociatave. Sipas një sondazhi të kryer nga “Albanian Institute for Internacional Studies”, 86% e qytetarëve presin hapjen, përkundër 46% që shprehen se vendi nuk është gati për këtë proces. Megjithatë, shumica mendojnë se Bashkimi Evropian nuk duhet ta pranojë Shqipërinë, pasi nuk është gati. Por sa i duhet vendit që të jetë gati për të marrë ketë hap?

45% mendojnë se ky proces do të përfundojë brenda 5 viteve të ardhshme, gjë që nxjerr në pah një tjetër problematikë.

Shqiptarët nuk kanë informacione për mënyrën sesi zhvillohet procesi i hapjes së negociatave. Ndërkohë 16% nuk janë në dijeni se Shqipëria duhet të plotësojë disa kushte për t’u bërë pjesë.

Rezultat e sondazhit tregojnë dhe rolin kyç që ka media në shpërndarjen e informacionit. Nga 1200 persona që kanë marrë pjesë në sondazh, 33% tregojnë se televizioni është burimi i parë nga ku ata marrin lajmin.

Por, sipas Ledion Krisafit, vetë media është shkaku kryesor që shumica e qytetarëve shqiptarë nuk kanë informacione të sakta.

“Nuk e ka luajtur mirë rolin e saj, bëhet pjesë e lojërave të fjalëve politike, duhet të bëjë më shumë për të informuar çfarë është integrimi europian dhe cilat janë kushtet”, tha ai.