FOTO/ I përlotur, Arsen Muskurti që ekzekutoi vëllain dhe kunatën shfaqet i penduar

Gjykata e Tiranës ka vendosur masën e sigurisë “arrest me burg” për Arsen Muskurti, i cili vrau vëllain dhe kunatën, dy ditë më parë në kryeqytet.

Në seancën e sotme gjyqësore, Muskurti u shfaq i përlotur, shenjë pendese për krimin që kreu. Ndërkohë, autori i krimit të dyfishtë në Tiranë përshëndeti dhe kamerat me dorë.

Dy janë pistat kryesore në të cilat po heton policia në lidhje me ngjarjen e rëndë të ndodhur pasditen e së martës në rrugën “Islam Alla” në kryeqytet, ku Arsen Muskurti vrau vëllanë dhe kunatën e tij, Dritan dhe Nora Muskurtin.

Pista kryesore është ajo e një konflikti të mundshëm lidhur me biznesin e agjencisë turistike, ku dhe ndodhi ngjarja.

Në bazë të deklarimeve në Qendrën Kombëtare të Biznesit (QKB), rezulton se vëllezërit Dritan dhe Arsen Muskurti, kanë qenë bashkëpronarë deri në vitin 2018.

Më pas agjencia i ka kaluar tërësisht në pronësi Dritan Muskurtit, i cili mbeti viktimë të martën.

Ndërsa, në profilin e tij në Facebook, autori i krimit Arsen Muskurti, profil të cilin e kishte me emrin Hamza Muskurti, akuzonte vëllanë dhe kunatën se kryenin veprimtari të paligjshme dhe në kundërshtim me rregullat fetare.

Si autori edhe viktimat, ishin praktikantë të fesë islame. Sipas informacioneve, kjo agjenci koordinonte dhe sponsorizonte udhëtimin drejt Arabisë Saudite të besimtarëve të fesë islame.

Nuk dihen arsyet se përse Arsen Muskurti e kundërshtonte veprimtarinë e vëllait dhe kunatës së tij.

Pas disa orë kërkimesh, autori është arrestuar nga policia në zonën e “5 Majit”. Armën me të cilin kreu krimin e rëndë, Muskurti e kishte me leje.

LEXONI GJITHASHTU:

• Lihet në qeli Arsen Muskurti që vrau vëllain dhe kunatën, përlotet në seancë
• VIDEO/ Kthehet nga rruga, autori i vrasjes së dyfishtë në Tiranë vë duart në kokë
• VIDEO | Gjakftohtë, në pak sekonda ekzekuton vëllanë dhe kunatën