‘Dosja Meta zhurmë e mazhorancës’ Boçi: Përpjekje për ta eliminuar politikisht

Deputeti i PD-së Luçiano Boçi tha se bazuar në fakte nuk sheh ndonjë implikim të Ilir Metës në ish-sigurimin e shtetit.

Në një intervistë për Euronews Albania, Boçi tha kjo që po bëhet në rastin e Metës është një zhurmë e krijuar nga moazharanca për arsye politike.

“Unë nuk nisem nga emocionet, unë lexoj faktet dhe argumentet. Në bindjen time të fakteve të paraqitura deri tani, nuk shoh ndonjë implikim të Metës, dhe shoh vetëm një zhurmë të madhe të krijuar për arsye politike. Jo më të bëjë raste analoge paralelet, ku njerëz të implikuar drejt për drejtpërdrejt në organet e sigurimit janë sot autoritete shumë të larta qoftë brenda në parlament qoftë jashtë parlamentit. “- tha ai.

Sipas tij kërkimi i një elementi të tillë për të bërë pis një nga drejtuesit e opozitës është një maskaradë që s’ka për të prodhuar asgjë përpos shtimit të urrejtjes ndaj kësaj qeverisjes dhe mënyrës se si sillet ndaj qytetarit.

Boçi më tej theksoi se Meta ka mëkatet e tij, por ta akuzosh për gjëra të tilla kjo më duket një absurd.

LEXONI GJITHASHTU:

• Luçiano Boçi rendit arsyet pse PD do të protestojë në 7 korrik