Aktivistja: Zgjodhëm artin për të denoncuar pabarazinë, reagime dhe nga burra

Gazetarja dhe aktivistja Rita Behadini tregoi për Euronews Albania se për të denoncuar fenomenin e pabarazisë mes burrave dhe grave kanë zgjedhur artin.

Fushata e organizuar lidhej me ngacmimet në rrjete sociale. Behadini ofroi një hapësirë për viktima të ngacmimeve të ndryshme seksuale që kishin nevojë për një këshillë apo sugjerim, ndërkohë që mënyra e të shprehurit ishte arti, vizatimi.

“Më kanë thënë burra e gra, vajza e djem bashkë që ka ndikuar te ata për të perceptuar këtë problematikë ndryshe nga ajo që e kanë parë më herët sepse sado që ne vajzat përballemi vazhdimisht me ngacmime në rrjetet sociale, nuk është se djemtë dhe burrat që nuk ngacmojnë, janë të vetëdijshëm se çfarë ne kalojmë,” – u shpreh aktivistja.

Ilustrimet mbartin përditshmërinë në mënyrë sarkastike, në mënyrë që edhe mesazhi të përçohet në një formë të veçantë.

Ndërkohë, gazetarja Mimoza Gavrani ishte dje e pranishme në protestën e organizuar në mbështetje të 11-vjeçares që u dhunua seksualisht nga 5 burra në Kosovë.

Në një intervistë për Euronews Albania ajo pohoi se kishte pjesëmarrje të lartë të burrave që ishin solidarizuar me qëllimin e protestës.

LEXONI GJITHASHTU:

• ‘Mos më ndërprit’, Lubonja përplaset me Lekatarin për protestën për 11-vjeçaren
• Gazetarja: Protesta në Kosovë kishte pjesëmarrje të lartë të burrave
• Në prag të dhunimit, Antoneta Koçi rrëfen ngjarjen: Nuk doja të kuptonte frikën time