Rama batutë me ambasadorin e SHBA-së në Serbi: Kujdes se na kupton çfarë flasim

Kryeministri Edi Rama e nisi fjalën e tij në samitin e Ballkanin e Hapur në Beograd duke bërë batutë me ambasadorin e SHBA-së në Serbi, Christofer Hill.

Gjatë fjalës së tij, kreu i qeverisë shqiptare tha se duhet të kemi kujdes çfarë flasim në gjuhën tonë, pasi na kupton.

“Ambasadori si të gjithë amerikanët di gjuhën e tij dhe tonën prandaj kur flasim në prani të tyre, bëni kujdes se na kuptojnë. Jam po ashtu shumë i kënaqur që këtu sot me ne janë edhe 2 miq shumë të rëndësishëm për ne që përfaqësojnë 2 vende po kaq të rëndësishme për rajonin tonë. Ministri i Jashtëm i Turqisë, miku ynë, të cilin dua ta falënderoj për praninë. Turqia është partner i pazëvendësueshëm strategjik i Shqipërisë por edhe aleat i të gjithë proceseve pozitive si dhe ministri i Hungarisë, të cilin dua po ashtu ta falënderoj”, tha Rama.

Ditën e sotme po mbahet Samiti i ‘Open Balkan’ në Beograd ku fokus i bisedimeve do të jetë tregtia.

Përveç tre liderëve, Edi Rama, Aleksandër Vuçiç dhe Dimitar Kovaçevski, i pranishëm është edhe kryeministri në detyrë i Malit të Zi, Dritan Abazoviç.

LEXONI GJITHASHTU:

• Sot Samiti i ‘Open Balkan’, marrëveshjet që priten të nënshkruhen
• Marrëveshja Kosovë-Serbi, Rama falënderon Vuçiç: Një zgjidhje e Ballkanit të Hapur