Rusia paralajmëron SHBA: Mos furnizoni Ukrainën me armë me rreze të gjatë, ka pasoja

Një diplomat i lartë rus ka paralajmëruar Uashingtonin që të mos furnizojë Ukrainën me armë me rreze të gjatë.

Zëvendësministri i Jashtëm i vendit, Sergeo Ryabkov, tha se SHBA po balanconte në kufirin e përfshirjes së drejtpërdrejtë në konflikt, shkruan SkyNews.

Ai gjithashtu vuri në dukje doktrinën ushtarake të vendit që parashikon përdorimin e armëve bërthamore në rast të një kërcënimi për ekzistencën e shtetit rus.

“Ne i kemi paralajmëruar në mënyrë të përsëritur SHBA-të për pasojat që mund të pasojnë nëse SHBA-ja vazhdon të vërshojë Ukrainën me armë”, tha zoti Ryabkov.

Duke folur në televizionin shtetëror, Ryabkov tha se “një diferencë shumë e ngushtë që ndan SHBA-në nga bërja palë në konflikt nuk duhet të krijojë një iluzion për forcat anti-ruse se gjithçka do të mbetet ashtu siç është nëse e kalojnë atë”.

Ai tha gjithashtu se Rusia do të shtyjë ofensivën e saj në Ukrainë derisa të arrijë qëllimet e saj.

“Rusia është në gjendje të mbrojë plotësisht interesat e saj dhe qëllimet e operacionit special ushtarak do të arrihen plotësisht”, tha Ryabkov.

LEXONI GJITHASHTU:

• Rusia: SHBA nuk ka dhënë viza për vizitën e Lavrov në OKB
• Kërcënimet nga Kina dhe Rusia, Japonia do zhvillojë raketa me rreze më të gjatë