Policia arreston 28 shoferë për abuzime në rrugë, pezullohen 159 patenta

Gjatë këtyre ditëve të muajit korrik, por sidomos në fundjavë, në rrugët e vendit është vënë re një fluks i shtuar  i lëvizjes së automjeteve.

Kjo situatë ka detyruar Policinë Rrugore që të shtojë patrullimet, me synim parandalimin e aksidenteve.

Me anë të një njoftimi të shpërndarë për mediat, Policia bën të ditur se gjatë monitorimeve ka hasur në shkelje të rënda, ndërsa abuzuesit janë ndëshkuar me masa administrative dhe me heqje patente.

Gjatë fundjavës policia thekson se janë pezulluar 159 leje drejtimi, prej të cilave 37 për drejtim mjeti nën ndikimin e alkoolit apo në gjendje të dehur, 94 për shpejtësi, 28 për qarkullim në sens të kundërt.

Policia ka vënë në pranga 28 drejtues mjetesh, nga këta 13 për drejtim mjeti në gjendje të dehur, 15 për drejtim mjeti pa leje drejtimi.

Gjithashtu janë vendosur 4458 masa administrative, nga këto:

• 278 për mospërdorim të rripit të sigurimit
• 308 për mosvendosje të kaskës mbrojtëse
• 666 për përdorim të celularit gjatë drejtimit të mjetit
• 238 për shpejtësi dhe manovra të rrezikshme në rrugë
• 2011 për parkim të gabuar
• 957 për shkelje të ndryshme.

Policia Rrugore fton qytetarët të tregojnë kujdes dhe të respektojnë masat e qarkullimit rrugor.

Lexoni gjithashtu:

28-vjeçari lëvizte me €55000 kesh në makinë, policia ia sekuestron si para të pista

12 të shoqëruar në polici nga protesta kundër mbylljes së klubeve dhe ndalimit të muzikës