Eksperti numëron kërcënimet që çuan në dëbimin e diplomatëve iranianë

Redion Qiriazi, ekspert për çështjet e sigurisë tha se vendimi i qeverisë për dëbimin e diplmatëve iranianë është drastik, por i paralajmëruar.

Në një intervistë për Euronews Albania ai theksoi se kërcënimet e Iranit ndaj vendit tonë kanë qenë të vazhdueshme që nga viti 2012 ku vendi ynë strehoi rreth 200 anëtarë të MEK.

“Në mars 2018 dy agjentë iranianë mendohet se do të kryenin një sulm terrorist në kryegjyshatën e bektashinjve në ditën e Sulltan Nevruzit, sulm që u parandalua me sukses. Në tetor 2019 kemi një sulm tjetër që u parandalua, në janar të 2020 me vrasjen e gjeneralit Sulejmani erdhi kërcënimi ndaj shtetit shqiptar. Në korrik kemi sulmin kibernetik dhe anulimin e konferencë së MEK ku ftohen zyrtarë të lartë të SHBA”, tregoi eksperti.

Ai tha se ka pasur raste të diplomatëve iranianë që janë marrë me afera që kërcënojnë vendin tonë.

Kryeministri Edi Rama kërkoi një ditë më parë që stafi diplomatik i ambasadës së Republikës Islamike të Iranit të largohet brenda 24 orëve nga Shqipëria.

Gjatë një fjalimi të publikuar në rrjetet sociale, Rama deklaroi se ky vendim i Këshillit të Ministrave, vjen pas u zbulua se pas sulmit kibernetik të 15 korrikut, qëndron Republika Islamike e Iranit.

LEXONI GJITHASHTU:

• A do të ketë kundërpërgjigje? Basha: Nga regjimi Iranit pritet gjithçka
• Dëbimi i diplomatëve iranianë, Milo: Si do ndikojë vendimi i Shqipërisë në Ballkan