Sa do të paguajnë familjet që konsumojnë mbi 800 kilovat në muaj?

Fasha e konsumit prej 800 kilovat për orë që vendosi qeveria si masë për të përballuar krizën energjetike prek 4 për qind të familjeve shqiptare që paguajnë mbi 7 600 lek në muaj pa TVSh, ose 9120 lek me TVSh.

Çmimi për kilovat do të mbetet 9.5 lekë për të gjitha familjet që konsumojnë 800, ose më pak kilovat në muaj.

Për çdo kilovat që konsumohet mbi këtë fashë, do të aplikohen çmimet e tregut të lirë, që aktualisht janë 42 lekë për kilovat, ose rreth 4 herë më shumë.

Cilat familje preken nga kjo masë?

Qeveria thotë se ato përbëjnë 4 për qind të totalit të familjeve, por që konsumojnë rreth 20 për qind të energjisë së konsumuar nga familjarët.

Fasha mbrojtëse për konsumin e energjisë për familjarët është aplikuar nga PD deri në 2013-n.

Në atë kohë ajo ishte 300 kilovat. Familjet që konsumonin më pak e paguanin me rreth 7 lek kilovati, ndërsa çdo sasi e konsumuar mbi këtë fashë paguhej me 13.5 lekë kilovati.

LEXONI GJITHASHTU:

• Denaj i drejtohet opozitës: Më mirë sugjeroni para se të kritikoni
• Sa do paguajnë ata që shpenzojnë mbi 800 kwh? Përgjigjet Balluku
• Rama: Do rrisim pagat për administratën, Policinë e Shtetit dhe Policinë e Burgjeve