Liverpool 5-3 Chelsea, të kuqtë ngrenë trofeun kampion të Anglisë, tifozët shpërthejnë në festë

Liverpool-i tregoi edhe një herë se është një skuadër spektakolare. Të ashtuquajturit “The Reds” (Të kuqtë) triumfuan 5-3 përballë Chelsea-it, në ndeshjen e fundit për këtë sezon në stadiumin Anfield.

Një takim që prodhoi spektakël dhe gola, që me sa duket ishte edhe qershia mbi tortë për Liverpool-in pasi u shoqërua edhe më ngritjen e trofeut pas 30 vitesh pritje.

Në pamundësi për t’u bashkuar me ekipin brenda në stadium, tifozët u grumbulluan në ambientet e jashtme të Anfield-it për të festuar suksesin aq shumë të dëshiruar.

Një pritje e gjatë që me sa duket ia ka vlejtur pasi ky vit ishte thjesht fantastik për “The Reds” pasi arritën të mbyllnin llogaritë e titullit kampion shumë kohë para përfundimit të kampionatit.

Ndërkohë nga ndeshjet e tjera të së mërkurës, Manchester United nuk shkoi më shumë se barazimi 1-1 përballë Wes Ham.

Megjithatë kjo pikë mjaftoi për të ashtuquajturit “Djajtë e Kuq” që për momentin janë në vendin e tretë të renditjes në zonën Champions League, kur duhet edhe një javë nga përfundimi i sezonit.