Zyla përplaset me Andi Bushatin: Cilët deputetë të PD u hetuan për ndërtimet pa leje

Analistët Julian Zyla dhe Andi Bushati kanë debatuar në lidhje me vendimin e qeverisë për konfiskimin e ndërtimeve pa leje.

Të ftuar në emisionin “Now” në “Euronews Albania”, Zyla i kërkoi Bushatit t’i thoshte disa emra të deputetëve të Partisë Demokratike, të cilët u hetuan për ndërtimet pa leje, gjatë kohës që kjo forcë politike ishte në pushtet.

“Sa i përket faktit ku kemi një situatë ku ende ka punë për të bërë, mund të vëmë re që qeveria dhe kryeministri po kërkojnë zbatimin e ligjit edhe në rrafshin e ndëshkueshmërisë. Nuk po thotë dikush që nuk ka gabuar askush. Zoti Andi Bushati mund ta kalojë duke thënë që do bëhen dy ose tre arrestime. Por unë dua të shikoj dy ose tre të PD që u arrestuan në kohën e PD?”, theksoi Zyla.

Ndërsa, Bushati u shpreh se kryeministri Edi Rama është ai që jep leje, por edhe i prish ndërtimet për të cilat firmos.

“Puna është që Edi Rama jep leje dhe fut rruspat. Këta janë njerëzit vendimmarrës, të tjerët janë ushtarë”, replikoi analisti Bushati.

LEXONI GJITHASHTU

• Andi Bushati: Pse arkitektët ndërkombëtarë po heqin emrin nga projektet në Tiranë
• ‘Arrestime dhe rruspa’, Andi Bushati: Viktimat që do hedhë Rama në arenë
• ‘9 kate ndërtim pa leje’, Belinda Balluku: Konfiskohet pallati në Farkë