Rama: Do lobojmë në BE, sistemi universitar shqiptar të përfshihet në atë evropian

Kryeministri Edi Rama thotë se qeveria shqiptare do të lobojë në Bashkimin Evropian, në mënyrë që sistemi universitar shqiptar të përfshihet në atë evropian.

Gjatë fjalës së tij në Kongresin Kombëtar të Arsimit, Rama u shpreh se lobimi do të kryhet pasi Shqipëria tanimë favorizohet edhe nga statusi i ri , përfituar nga hapja e negociatave.

“Ndërkombëtarizimi i të gjithë sistemit tonë universitar është një domosdoshmëri. Ne shpresojmë që përmes lobimit politik pranë Bashkimit Evropian dhe Komisionit Evropian duke përfituar edhe nga pozicioni i ri që kemi si një vend që negocion, së bashku me vendet e tjera të Ballkanit Perëndimor, të bindim BE-në që ta përfshijë edhe sistemin universitar të vendeve tona, në sistemin universitar evropian.

Kemi 41 marrëveshje me unicersitete prestigjoze ndërkombëtare dhe ndërkohë që janë 175 marrëveshje të nënshkruara. T’u jepet mundësia studentave tanë që të hyjnë në procese që brenda vendit sjellin cilësi arsimimi nga jashtë vendit”, theksoi ai.

LEXONI GJITHASHTU

• Gjuha shqipe nën kërcënim, Rama: Lëndë në të gjitha nivelet e arsimit
• Ministrja Kushi: Të rinjtë largohen pasi në vendet perëndimore po plaket popullsia