Eksperti i arsimit: Këtë vit kemi 33 klasa më pak, po na zhduken qytetet

Eksperti i arsimit, Ndriçim Mehmeti thotë se sistemi arsimor ka shumë probleme, por më kryesorja është ikja e nxënësve jashtë vendit.

Në një intervistë për “Euronews Albania”, Mehmeti u shpreh se këtë vit ka 33 klasa më pak, për shkak se mungojnë nxënës.

Sipas tij, për 10 vitet e ardhshme mund të humbasim 100 mijë nxënës.

“Arsimi jo vetëm që ka problematika, por kryeministri nuk na tha se po ikin, jo njerëz, por qytete. I mungojnë qytete. Po të vësh numrin e nxënësve që mungojnë, ne na mungojnë qytete, po na zhduken qytetet vit pas viti. Kemi rreth 28-30 mijë nxënës në klasë të parë.

Ne i kemi në klasë të parë pasi kemi ulur moshën, ky është një truk për të mbushur klasën e parë. Kemi 1 mijë më pak në arsimin parauniversitar. Do të thotë që ne kemi humbur 33 klasa. Kjo është një humbje e madhe. Për 10 vjet do të humbasim 100 mijë veta dhe nuk kemi ndërmend t’i rifitojmë më”, theksoi ai.

LEXONI GJITHASHTU

• Ulet numri i nxënësve në Vlorë dhe Shkodër
• Vijon mësimi me turne në Korçë, mbyllen 3 shkolla
• Mbyllen 3 shkolla në qarkun e Korçës, shkak mungesa e nxënësve