Balluku: Vlonjatët kundër ambientalistëve, duan që anijet të prodhojnë energji

Ministrja e Energjisë dhe Infrastrukturës, Belinda Ballaku është shprehur se qytetarët e Vlorës i janë kundërvënë ambientalistëve, për ardhjen e anijeve prodhuese të energjisë.

Në emisionin “Now” në Euronews Albania, Balluku tha se qytetarët e Vlorës janë plotësisht dakord që energjia të prodhohet nga këto anije, ndërsa shtoi se këto të fundit janë vendosur në zona industriale.

“Ka një grup ambientalistësh që janë kundër këtij veprimi dhe unë i respektoj shumë sepse kemi misionet tona. Shqetësimi i rritur do të thotë që ka filluar të  ndikojë në target grupet e popullsisë, Vlora nuk e ka shqetësim. Janë bërë takime me qytetarët dhe me ambientalistët por dhe me biznesmenët. Kemi të regjistruara takimet kur qytetarët e Vlorës i kundërvihen ambientalistëve. Të dyja anijet prodhuese të energjisë, janë parkuar në zonën industriale. Janë anije te certefikuara sipas kritereve të bankës botërore. “-u shpreh ministrja.

LEXONI GJITHASHTU:

• Balluku: S’do të ketë asnjë ndërprerje të energjisë 
• Balluku: Duhet të kursejmë, po e thonë edhe gjermanët