SHBA: Rusia ka shpenzuar 300 mln dollarë për të ndikuar politikisht në mbi 24 shtete

SHBA pretendon se Rusia ka shpenzuar fshehurazi më shumë se 300 milionë dollarë që nga viti 2014 për të ndikuar tek politikanët në më shumë se 24 vende.

Pretendimi i Departamentit të Shtetit bazohet në një vlerësim të deklasifikuar të inteligjencës amerikane të publikuar të martën, shkruan BBC.

Inteligjenca amerikane vlerëson se këto janë shifra minimale dhe se Rusia ka të ngjarë të ketë transferuar fonde shtesë fshehurazi në rastet që kanë mbetur të pazbuluara.

“Ne mendojmë se kjo është vetëm maja e ajsbergut”, tha një zyrtar i lartë nga administrata e Presidentit Joe Biden.

Rusia nuk ka komentuar publikisht për këtë çështje. Vetë Moska ka akuzuar vazhdimisht SHBA-në për ndërhyrje jashtë vendit.

LEXONI GJITHASHTU

• Scholz telefonon Putin: Rusia të heqë trupat dhe të njohë sovranitetin e Ukrainës
• Ofensiva ukrainase ‘çmend’ Putinin, Kharkivi në terr