Pampuri: Kryetari i Partisë Demokratike është Alibeaj

Deputetja e Partisë Demokratike, Orjola Pampuri thotë se përderisa nuk ka ende një vendim gjykate për kryetarin, drejtimin e kësaj force politike e ka aktualisht Enkelejd Alibeaj.

Në një intervistë për “Euronews Albania”, Pampuri u shpreh se do t’i qëndrojë deri në fund vendimit të saj.

Në lidhje me financimin rus prej 500 mijë dollarësh për PD-në në vitin 2017, Pampuri tha se nuk kishte dijeni.

“Partia e cila është zyrtare, Partia Demokratike zyrtare, nuk kemi ende një vendim gjykate. Për aq kohë sa nuk ka ende një vendim gjykate, Partia Demokratike sot ka një kryetar në detyrë, që është zoti Alibeaj dhe të Grupit Parlamentar. Unë nuk jam politikane e vjetër, por politika do qëndrim. Unë personalisht besoj që edhe në jetë duhet të kesh qëndrime, nuk duhet të jesh e lëkundur. Kam një qëndrim dhe nuk jam lëkundur në asnjë moment. Vendimin e kam marrë e bindur dhe nuk e kam marrë e shtyrë nga askush”, theksoi ajo.

LEXONI GJITHASHTU

• Berisha: Reforma territoriale një dështim, u bazua në dëshira partiake për punësime
• PD-ja kërkon rihapjen e çështjes për financimin rus: Basha u mbrojt nga Rama